မိူဝ်ႈပီ 2002 ဢၼ်းၾေးတူဝ်း မူဝ်းသိူဝ်ႊ လႆႈၸွႆႈႁႂ်ႈၵူၼ်းတၢင်းလုမ်ႈၾႃႉလႆႈၸႂ်ႉ သၢႆႁိူဝ်ႈလႅင်း လူၺ်ႈဢမ်ႇလူဝ်ႇၸႂ်ႉၵႃႈၸႂ်ႉၸၢႆႇသင်ၼမ် လႄႈဢမ်ႇလူဝ်ႇၸႂ်ႉၾႆးၾႃႉၼႆယဝ်ႉ။
ၶဝ်လႆႈၶူၼ်ႉၶႂႃႉသွၵ်ႈႁၼ်ဢွၵ်ႇလၢႆးႁဵတ်းႁႂ်ႈၼႂ်းႁိူၼ်းလႆႈမီးသၢႆႁိူဝ်ႈလႅင်းၽွင်းၾႆးၾႃႉလပ်း (ၾႆးၾႃႉဢမ်ႇမႃး) လူၺ်ႈၸႂ်ႉၶွင်လိူဝ်ၸႂ်ႉဢၼ်မီးယူႇၼႂ်းႁိူၼ်းၶိုၼ်း ၼၼ်ႉၵေႃႈပဵၼ် ၶူတ်ႇၼမ်ႉသႂ် (Plastic) ၼမ်ႉ လႄႈၽူင်လွႆးၶူဝ်းသီၶၢဝ် ။
ၼႂ်း 2 ပီပူၼ်ႉမႃးမီးၵူၼ်းဢဝ်တၢင်းဝူၼ်ႉၶွင်ၶဝ်ၵႂႃႇၸႂ်ႉတိုဝ်း တူဝ်ႈလုမ်ႈၾႃႉ လႄႈ ၶၢတ်ႈဝႃႈၼႂ်း 2 ပီမိူဝ်းၼႃႈ တေမီးၵူၼ်းဢဝ်ၵႂႃႇၸႂ်ႉတိုဝ်းၼမ်ထိုင် 1 လၢၼ်ႉႁိူၼ်းတူဝ်ႈလုမ်ႈၾႃႉၼႆယဝ်ႉ။
ၶဝ်လႆႈလၢတ်ႈၼေလၢႆးႁဵတ်းမၼ်းဝႆႉၼင်ႇၼႆ ဢဝ်ၼမ်ႉသႂ် လႄႈ ၽူင်လွႆးၶူဝ်းသီၶၢဝ် သႂ်ႇလူင်းၼႂ်းၶူတ်ႇၼမ်ႉ 2 ၸေႃႉ ၼမ်ႉလႄႈၽူင်လွႆးၶူဝ်းသီၶၢဝ်ၼၼ်ႉ တေႁဵတ်းႁႂ်ႈၵိူတ်ႇၵၢၼ် ႁၵ်းႁေၶွင်သႅင်လႅတ်ႇ လႄႈ ၸွႆႈပူၵ်ႇပွင်ႉႁႂ်ႈၼမ်ႉဢၼ်မီးယူႇၼႂ်းၶူတ်ႉဢမ်ႇမီးၵႃႉၵႂ်းသင်လႄႈဢမ်ႇၼဝ်ႈၼႆယဝ်ႉ သၢႆႁိူဝ်ႈလႅင်းၶွင်မၼ်းၼၼ်ႉတေႉ သင်ပဵၼ်ၶူတ်ႇၼမ်ႉဢၼ်မူတ်းသႂ်လီၼႆၵေႃႈတေႁဵတ်းႁႂ်ႈလႆႈသၢႆႁိူဝ်ႈလႅင်းလီလိူဝ်ၼႆၶႃႈ ဝၢႆးလႆႈႁၢင်ႈႁႅၼ်းဝႆႉၼမ်ႉလႄႈၶူတ်ႇယဝ်ႉၼၼ်ႉ မႃးၸီးႁူးလင်ၶႃးႁိူၼ်းႁဝ်းႁႂ်ႈလႆႈႁူး ပဵင်းပေႃးတႃႇဢဝ်ၶူတ်ႇၼမ်ႉသႂ်ႇၶိုၼ်ႈလႆႈတၢင်းတႂ်ႈမၼ်း လႄႈဢဝ် သီႊလီႊၶူၼ်း(Silicone) မႃးသႂ်ႇၸွမ်းၶူတ်ႇမၼ်းသေတႃႇပွင်ႈၵၼ်ႁႂ်ႈၼမ်ႉဢမ်ႇၸိုမ်းႁူဝ်ႈၸွမ်းႁူးမၼ်းၽွင်းၾူၼ်တူၵ်းၼႆယဝ်ႉ။
ၶဝ်လၢတ်ႈဝႃႈမီးၸဝ်ႈၼႃႈတီႈၶဝ်ယၢမ်ႈမႃး ဝတ်းတူၺ်းသၢႆႁိူဝ်ႈလႅင်းမၼ်းလႆႈထိုင် 40-60 ဝတ်း လႄႈလွင်ႈသၢႆႁိူဝ်ႈလႅင်းမၼ်းတေလီႁိုဝ်ဢမ်ႇလီၼၼ်ႉၶိုၼ်ႈယူႇတီႈသႅင်လႅတ်ႇၸွမ်း။
တၢင်းဝူၼ်ႉၶွင်ၶဝ်ႁဵတ်းႁႂ်ႈၵူၼ်းၸိူဝ်းယူႇႁၢင်ႇၵႆ လွင်ႈၶိုၼ်ႈယႂ်ႇလႄႈဢမ်ႇမီးၾႆးၾႃႉၶဝ်ႈထိုင်လႆႈၼၼ်ႉလႆႈၸႂ်ႉ လွၵ်းလၢႆးၼႆႉသေ ႁဵတ်းႁႂ်ႈလႆႈယူႇၼႂ်းသၢႆႁိူဝ်ႈလႅင်း လႄႈတၢင်းဝူၼ်ႉၶွင်ၶဝ်ယင်းမီး ၵူၼ်းတၢင်ႇမိူင်းဢဝ်ၵႂႃႇၸႂ်ႉတိုဝ်း လႄႈႁဵတ်းႁႂ်ႈလူတ်းယွမ်းလွင်ႈၸႂ်ႉၸၢႆႇၵႃႈၾႆးၾႃႉလႆႈၼႆယဝ်ႉ။
ဢိင်ႈတီႈ http://www.matichon.co.th
ၵၢင်ၶိုၼ်းတႄႉဢမ်ႇလႅင်းၶႃႈယူဝ်ႉၼၼ်ႉ
ตอบลบ